بلاد …..Schizophréne

أن المغرب معارفش فين إشد فقرر صناع القرار أن يمسكوا العصى من الوسط, مسلمين فشي حوايج فشي حوايج أخرى معارفينش,على هواهم.لضيع في القضية هو الشعب حيث يعيش في بلاد سكيزوفران.تبيع له الخمر و تعاقبه بتهمة السكر العلني,تسمح للعاهرات بالإشتغال في الفنادق و تتهمهن بالإخلال بالحياء العام. تفصل الدين و العرق عن السياسة بمنعها تأسيس أحزاب عرقية أو دينية , في الدستور دايرا لبغات….

أسيدنا هادشي بزاف, لم نعد نعرف الفرق بين الأبيض و الأسود في هذه الدولة.

فأعتقد شخصيا أن هذا الإنفصام الذي تعيشه دولتنا في هذه المسألة ناتج عن حسابات ضيقة لأصحاب الكراسي الفخمة حيث يستعملون الإسلام لمصلحتهم و حمايتهم.أما على أرض الواقع هناك الوجه الأخر…. اللانظامي الفوضوي في باطنه,البراق خارجيا.يعمل على إحتواء الإسلامين و العلمانيين في خلطة من صنع الدولة منتجة لبلاد مسلمعلمانية.ماركا %100 مغربية.

المشكلة لعورات لمها العين, أننا تعايشنا مع هذا الواقع ورضينا به. فلا التيار الإسلام يحرج المسؤولين في مطالبتهم بقيام دولة إسلامية ديال بصح,و لا حتى التيار العلماني قادر يجبد مطلب و حق فصل الدين عن الدولة.

إوا ختارو حسن ما تبقاو عايشين نص هكا و نص هكا أنا إلا جات عليا مكاين حسن من العلمانية أكل واحد يتعلق من كراعو و فينما بغات توصل توصل.

حقوق الإنسان مرا مرا القمع

أما الحريرة نتاع حقوق الإنسان فهاد لبلاد. فحدث و لا حرج, الإنفصام ديال بصح.

فكما هو معروف أن المغرب صادق على إتفاقيات الأمم المتحدة الرئيسية السبع المعنية بحقوف بنادم.أهاد الإتفقيات هما.العهدان الدوليان الخاصان بالحقوق المدنية و السياسية,و الحقوق الإقتصادية و الإجتماعية و الثقافية و إتفاقية القضاء على جميع أشكال التمييز العنصري,و إتفاقية القضاء على جميع أشكال التمييز ضد المرأة. أزيد أزيد.مهم كيبقاو غتوقيعات أم لمخبع فلبير راه مخبع أو معارفن غا ما ليه.

واش كاين شي دولة فيها حقوق الإنسان,تخططف الناس و تزج بهم في المعتقلات.

و تحاكم مناضلين يخرجون من أجل التعبير عن أرائهم بتهمة المس بالمقدسات.

أزيد علهم حرية التعبير و الصحافة زوينها و الحق فالتعليم,و المدرسة مخوصصنها و الصحة,و الصبطارات و لات عيادات . و زيد الحق فالتشغيل لهدر عليه يرعف كدام البرلمان.و الكمسريات و لكيوقع فيها.و حقوق الأقلية و الأمازيغية غير معترف بها وخا هما الأكثرية.مهم عاوتني فهاد لبلاد دايرن ماركا مغربية سميتها حقوق الإنسقماعية.

مزوقين من برا كدام الأمم المتحدة و خمجين من الداخل قدام الأمة المستضعفة.

إو الله معانا باش طيح صباغا ويبان لمعقول.

تاسكيزوفرانيت

أش طاري أش صاري جوج أجوه كثرات فبلادي

. فقيه فصباح سكيري بليل, إخوانية معرية شوية و أنا مالي

حمار و لا برلاماني,شفار و لا وزير,لموجز هراوة فوق راسو

لقاري ديما يبقى شمور

لقاضي تالف

لقتال مطلوق, لهضر على حق سدو عليه الباب

معارضة و لات فالحكومة

بوليس خدام مهرب

صحافة ديما لعام زين

صبيطار عمومي جيب معاك ليبرا ألخيط و لا خصوصي

بنادم تالف ماشي جاي باغي فلوس شوية و لا بزاف,ناعس فايق.موظف شبح

بلاد Schizophréne.

حشومة لا ما شي حشومة

قراية أستاد ماجاش,أستاد جا تلاميد مشاو.

النضال و علاش طبقة عاملة لا لا مكيناش لكادحة تا هيا مبقاتش.

رأسمالية لا إشتراكية.أجيو نقاسمو و لا بلاش كلشي ناخدوا أنا

بترول كاين لا غير غلطنا و لفصفاط تا هو

جوج بحور لحوت داتو سبانيا و الجابونيين تا هما

إقتصاد مات ها هو حيا و لا بحال لفعى

مول اللحية جا إكولنا إسلام التفركيع التقنبيل

و لا نتما خونة خاصكم التربية

بلاد السلام و الأمان في مشا مع الماء

سياحة سكسولوجيا مراكش الحمر اء

أفلام بورنوغرافيا فبلاد محافظة

سنوات الرصاص مبقاتش ولات غير إعتقلات

الجزائر جرتنا لا عدوتنا لحداد حلوها

الصحراء مغربية و خيرها لغيرها حكم ذاتي حل دولي ?………

مغرب Schizophréne مغرب Schizophréne مغرب Schizophrén

مغرب SCHIZOOOOOOOOOOOOPHRéNE ¿¿¿¡¡¡

+++++++++++++++++++++++++++++++++++

قراب لبعضياتنا

ستكون فقرة صغيرة في كل مرة أنشر فيها عمودي المتواضع هذا أرد فيها عن تعليقات القراء الكرام باش نكون قراب لبعضياتنا و أي سؤال كيفما كان نوعه مستعد الإجاب عنه.

أول شيء بزاف القراء جبد حزب التقدم و الإشتراكية و الإرتباط ديالي به, أه كنت فيه لكن دابا سالينا كانت مرحلة و إنتهت. إقتنعت بأن الأحزاب كلها بحال بحال يجب تغيير جذري.

كان هناك سؤال هل تقصد حزب التقدم و الإشتراكية؟

الجواب أني قصدت جميع الأحزاب كلشي فواد واحد.

بعض الزملاء سؤلوني ما قصدك ببلا صباغة؟؟