“راه ماشي معقول تعطيو رخصة كشك وتقولو لماليها خدمو وتجيو تسحبوها وتهدمو رزقهم ” رسالة مؤثرة من رجال حملوا السلاح للدفاع عن الوطن .
هدشي ماشي معقول وغير مقبول لي تايوقع فهاد المدينة المهمشة من جميع الجهات وابرزها الجانب الاجتماعي التنموي والاقتصادي ، راه ماشي منطقي باش رجال لسنوات وهم يحملون السلاح مع الجيش المغربي للدفاع عن صحرائه ، و كافحوا وصبروا وفي الاخير طلبوا كيوسكات باش يخدموا فيها ،ما طلبوا كريمات ديال الكار ولا دطاكسي ، ودقوا باب لالة أميرة ،وفاش جات ارسالية لعامل الاقليم وشدينا الترخيص من المجلس البلدي السابق منذ 11 عام، ومشينا كانكفحوا باش نبنيو مشروع الرزق ديالنا ، ودابا جانا قرار اخر ديال رئيس المجلس الحالي “أزواغ سليمان” تايقول راني سحبت لكم الرخصة .
وتضيف الرسالة الموقعة من 6 أشخاص :” الحقيقة الدولة قالت لينا طلعوا تاكلوا الكرموس والبلدية قالت لينا نزلوا شكون قالها لكم ، وهدشي تايضرب فالحق ديالنا كرجال صدقوا ما عاهدو الله عليه لأجل وطنهم .و اصلا خاص نكونو استثناء ،يعني خاص السلطات والمجلس الجماعي يتعاملوا بأستثناء معنا واعاونونا”
ويضيف “عبد الله الوعليتي” و”عبد الله الراضي” و”ميمون اليوسفي”و”محمد السلامي” و الغول عبد السلام” و “لكبير محمد” في رسالتهم المؤثرة :”حصلنا بعد نضال طويل ومرير على رخصة كشك و بعد اجراءات مارتونية استنفذت منا مصاريف كثيرة من إعداد التصاميم ووثائق وغيرها، وبعد أن بدأنا في بناء الكشك و تأهيل المكان بإمكانياتنا المحدودة و الرضى بتلك البركة التي نعيش بها مع أسرنا الفقيرة .تفاجئنا بقرار السيد الرئيس والذي سحب الرخص بدون مبرر”
وقال “عبد الله الوعليتي” في تصريح لأريفينو :” قرار سحب رخصة هو قرار غير منطقي ،وأعلن مع رفاقي في السلاح عن استعدادنا لخوض كافة الأشكال والوسائل المكفولة دستوريا من أجل استرداد حقوقنا في الكرامة والعيش الكريم. كما ندعوا السيد عامل الاقليم لتدخل و توجيه رئيس الجماعة لتراجع عن هذا القرار الذي نعتبره ظالما في حقنا ، لاسيما وان من المفروض على الدولة ان تأخذ بعين الاعتبار سنوات التضحية والوفاء لشعار الله ،للوطن الملك .
ترقبوا الفيديو لاحقا
