ٱش واقع .. رْفضتني عمالة الناظور بدعوى أني تقني متخصص…
أريفينو عادل عسراوي
« أنا لا أدافع عن أحد و لا أهاجم أحدا ، فقط أحاول إثارة قضية من الواقع و أدافع عن حقي بدون مزايدات أو خلفية إيديولوجية »
ككل صباح بعد وجبة الفطور أفتح حاسوبي الخاص ، أتمعن مواقع الوظيفة لعلي أجد ما أكمل بها حلقة مفقودة من حلقات المواطن الحقيقي تعليم صحة “شغل” سكن.. . أتقصى جديد الوظائف الشاغرة أبحث فيها عن تخصصي كذئب ييحث عن فريسته بدقة و عناية (غالبا ما أكون أنا هو الفريسة ) بعدها أكتب ملاحظاتي في دفتر صغير ، شروط الترشيح و آخر آجل للدفع .. فعلا قبل يومين دخلت موقع الوظيفة كعادتي لأستشف الجديد ،مباشرة ظهر لي .. بعنوان بارز إلتصقت عيوني عليه مع العلم كل العناوين متشابهة : عمالة الناضور : مباراة مشتركة لتوظيف تقنيين و ممرضين مجازين.. 63 منصب منها جماعة الناضور سلوان زايو.. ، “واش هادشي بصاح ولا غي كنحلم ” أعدت تحديث المتصفح لعله خطأ ما .كانت المعلومات صحيحة دخلت و قرأت التفاصيل مسرعا من كثرة الفرحة لم أتمعن جيدا كعادتي ، أخذت هاتفي متصلا بصديقي (ماستر إعلاميات) .. بعد التحية صرخت قائلا: واش شفت كنضن يمكن نقولو باي باي لبطالة دولة فتحت لينا كونكوغ حدا باب دار ميحتاجش نمشيو تال كازا ،رباط.. دخل لموقع الوظيفة و وجد وراقيك.. غدا ندفعو .. مهم زربت عليه بهاد معنى . أجابني بصوت فيه شيئ من الوهن و فقدان الامل قائلا: وي شفتو سير قراه مزيان راه كونكوغ خاص بتقنيين أما حنا مشمشين الى اشعار آخر.. مصدعنا اصاحبي على صباح بسلامة..
كانت خيبة أمل كبيرة بعد أن تأكدت من كلام صديقي ، مباراة خاصة بالتقنيين . مصيرنا كان في جرة قلم مسؤول العمالة أو ما فوقه التي لم يجرها جرا إلى تقني متخصص فاكتفى بتقني فقط بعتباره أقل أجرا أو لتقليص عدد المترشحين .. من يدري ، و هذا ما يطرح أكثر من سؤال : لماذا تم اقصاء التقنيين المتخصصين مع العلم أنهم اكثر كفاءة في تخصصهم و سيساهمون بالتالي في تحسين عمل الادارات !؟ لماذا هذه العشوائية في اختيار المترشحين !؟
قصدت بلدية زايو لعلي أجد من الاجوبة ما تهدئ خاطري.. بعد ما استقبلي موظف مكلف بجمع ملفات الترشيح بطريقة لبقة مؤدبة.. سألته ما تطرقت اليه سابقا ، تحدثنا كثيرا فكانت إجاباته واضحة في هذا الصدد.. عصا موسى عند العمالة هي المكلفة بتنظيم المباراة و انتهى . بعد خروجي من المكتب لمحت اثنين من اصدقائي لديهم من المشكلة ما لدي تحدث الي الاول بخطاب يعبر عن عدم الرضى قائلا: “خديت الديبلوم هادي عامين و دقيت كاع البيبان ماكانش الخدمة.و نهار للي سمعت كاين مباراة للتوظيف فالقطاع العام و فمدينتي و فالتخصص ديالي.رجعلي الامل للي فتقدتو . و قلت يمكن غانتوفق و تا انا نخدم.ولكن هاد الفرحة تحولات لصدمة فاش مشيت ندفع الملف ديالي و قالولي :” سمحيلنا طالبين غي تقني ماشي متخصص”.عييت كا نشرحلهم اودي راه فالمنطقة ديالنا ما عناش تقني فالتخصص ديالي.قالك اسيدي العمالة للي فارضة هاد الشي….ادن من هنا نستنتجو بلا هاد ااناس مابغاوش ولاد المنطقة اخدمو…. بغاونا ديما تحت” الصباط”…و مادام حنا ساكتين الاتي اعضم…
و الثاني اخذ زمان الكلام غاضبا يتصبب العرق منه ٱتى راجلا من قرية مجاورة و قال: ليوم معا الصباح فقت بحالي بحال الناس و كلي امل باش نمشي ندفع فالكونكور الاخير ديال البلديات ، هزيت وراقي و خرجت فاش وصلت باش ندفع قاليك دبلوم ديالك ممقبولش ، بحكم انا تقني متخصص و هوما طالبين غير تقني من أجل باش يكون اللعب فالمبارات و يكون الصالير نازل ،دبا هذا الناس واش كيضحو علينا كبطاليين فالمغرب واش غير باغين يدلونا حيتاش قرينا حتا حفاو عينينا و الوضيفة مكايناش ، عيينا ندقو فجميع البيبان ، مخلينا خاص مخلينا حكومة فين ما مشيتي باك صاحبي ،الا مكانت عندك 5 مليون غير سير جلس فداركم ماتحلم بخدمة ، هوما مابيغيينش مغرب الكفاءات باغين مغرب التزوير و الرشوة و المحسوبية و كل واحد شاد بوسط ماعارف حتا آش هو ولا آش يدير حيت غير دفع فلوس و دخل يخدم و حتا الشواهد معندوش كلهم مزورة او دافع عليها فلوس و خداهم ، خاص تغيير معمق و مشدد فكل المجالات خاص محاكمة هذا اللوبيات لي خدامين فالخفاء ، خاص تكون مراقبة ، تكون مباريات نزيهة و تعزل و توضف حيتاش قاري حيتاش عندو خبرة حيناش معدل ديالو عالي ماشي حيتاش عطا فلوس أكتر ،( إن الله لا يغير ما بقوم حتا يغيرو ما بأنفسهم )، بغينا إصلاح حقيقي و بغينا مراقبة و متابعة المخالفين للقوانين و الدساتير لي ما اكترها و لا واحد مطبق منها حتا 2% راه عيينا من دفع و خسر الفلوس و طبع اوراق و التصاور و تصديق الاوراق على الخاوي… ,
خلاصة القول آخر آجل 27 نونبر بصفتي مواطن لدي كل الحق في الشغل ، أطالب عمالة الناضور باعادة النظر في شروط الترشيح .