محمــــذْ السادسْ (قصيدة بالأمازيغية)

الحسن الموساوي

ءاذِنيــغْ بازْ بازْ سْ- يِــري ءنو ذزيرارْ

لَلاَّ ثامورثْ ءنو ءادجَّاخو ءيثَـــضهـــارْ

ءادجَّاخو ءي ذاياسْ ءازْري ذِي غا نَــخْــزارْ

ما ثوحَــذْ غا ثاغْزوثْ ءاوارْ خاسْ ذزيرارْ

كورْشي قاعْ ءي بَــدّ رْ ءامْ ثانْــدينْــتْ ءام َدْشارْ

كورْشي قاعْ ياتْــواسَّــكْ كورْشي قاعْ ءي نَــوَّارْ

محمذ السادسْ ءي بَـــدَّانْ خِي- جوضارْ

وياجِّي ثِنَـــدَّامْ وَياجِّي بورَبْــحارْ

وياجِّي مارَتْشيكا وَياجِّي بويَـــفارْ

وَياجِّي ءاعَــرْوي ءورا ذزْرو هَــمَّارْ

وَياجِّي ءازْغَـنْغانْ ءورا تْــراثْ نْ- وذَرارْ

ءانَــكَّـــثْ فوسْ كْ- فوسْ ءانَــسْمونْ ثِزَمَّــارْ

ءانَــسْمونْ ءاسيرَمْ ءانَـــسْمونْ ءامَــهْيارْ

ءانَسْمونْ ءصورافْ ءانويورْ خِي- جو ضارْ

ءانَسْمونْ ءامَازولْ ءانَسْمونْ ءاحَــجَّارْ

ءانَــسْمونْ ثِيواشا سَا- رْميزانْ ذْ- رَعبارْ

حوما ءانَــغْ ثاشــْنا، ءامَحْضارْ ءاذِغارْ

ءانَــزَّرْ خْ- رَغْــبَنْ ءانَزَّرْ خوسَعْقارْ

ءانَــسّــيــغْ ثِفاوينْ ءانَــسَّــخْــسي رَفنارْ

ءانَـــشَدْ ءي هارْكوسَنْ ءانِرارِ خ- ثْـــنَــهارْ

محمذْ السادسْ ءامَزْذاكْ نْ- وَزْوارْ

ءامَزْذاكْ نْ- وورْ ءياشْــثينْ ءمَعْضارْ

ءعِيزْ خْ- وورْ نَّاغْ ءي تاخْـسيثْ رْخــضارْ

ءاذريغْ ءاذِنـيغْ سْ- يِري ءنو ذَزيـرارْ

محمذْ السادسْ ءاجَـدجِّيـذْ ءامَــهْيارْ

ذِثمورْثْ نَّــغْ ءي عِزَّانْ رَذِجْ ما يَـــمَّــنْدارْ

ءايا سذي ربي ءانِــييـاسْ ذِرَعمارْ

ءانِــيياسْ ذِثوذارْثْ ءانيـياسْ ثِزَمارْ

ناشِّـينْ ءريـفَــيَّـان رَبْدا كِـذاش نَحْـضارْ

ناشين خاك ن عاماذ ناشين ذاياك ن شبار

سو مزيان ذو مقران مارا غاك ثخزار

باريس يوم 16/4/10