قصيدة بمناسبة الزيارة الملكية : ثْواسيتْ ءوجَادجّيذْ

الحسن المساوي
مَرحْبا زاـ كْ جَادجيذْ غَا ـ ثَانْدينْتْ نَاناَّضورْ

ءاثنيغْ مَارْثَاياَنْ ءاسْعاوْذَاغْ ءيج ُمورْ

فَرْحَنْ يَاوذانْ نَّاسْ را ذي وْذانْ نْ ـ راَذْشورْ

رَمْحيبَّاثْ نَّاسْ ثَمغارْ ذَا كذَامّاَنْ نَّاغْ ثَاكُّور ْ

ءيراَحَّاكْدْ ءوجَادجيذّْ نَّاضورْ مَاراَّ يَانْهَازْ

ءاناَّتّاَ ءيغاَنافْ نْهارْ ءيغَـــا نــاَنْحَازْ

ءيماني ما يَادج ءيتَاويَاناَغدْ رْعَازْ

ءامَازْرويْ وَثينَاكَّارْ رقْرَمْ واْثيناَكَّازْ
الناضور سْ ـ رَفْرحَتْ يَاذْوارْ قاعْ ءيناَوَّارْ

وايَاقيمْ ءومَزْيانْ وايَاقيمْ ءواسَّارْ

سْ ـ وارْيازْ تْ ـ مَاطُّوثْ ثَافَّاغدْ مَارّاَ تَاخْزارْ

ءاذارْقان ءاجَادجيذْ سيجَانْ راقوا يَامْغارْ
ءاوْشانَـــاغْـدْ فوسْ نَّاشْ ءاكيذاَش ناَمْسَادجَّامْ

سْ ـ وورْ نَّاغْ يَاصْفا ءاكيذَاشْ نَامْــسَـــافـــهامْ

لْمَغْربْ تَّامُّورثْ نَّاغْ ءاذاَسْ نَارْفَعْ راعْرامْ

واخَّا ناَشْ ذَارْمَاسْكينْ ذي ثمورثْ غارْ ذاَخَادَّامْ

خْ – ثاَندينْتْ ناناضورْ ثْعيزاَّذْ خْ ـ وورْ نَّاسْ

ثْعيزاَّذْ خَا ـ ثْقَابَّارْ ءورى ذْراضشورْ نَّاسْ

مينْ ذينّي جَاَرنَاغْ عَامَّاسْ واريناَقاَّسْ

منايا ءاثينيغْ سَاجَّاهذْ وادجّي سَا ـ رْحَاسْ
ءيبْريذاَنْ ناَنّاَضورْ قَّاراقْشَانْ سَا ـ ثْـفاوينْ

جْواروا ذَاكْ جَانَّا سا ثميجَّا نْ ـ ثْريفَــايينْ

ءيرْذاَنْتْ مَارّاَ رايْزورْ قْنَــانْتْ ثيسَــابْــنَــايينْ

ءاذياَدَّارْ ءوجَاكديذْ وانّي غَانَغْ دْ ـ يوسينْ

ءارّيفْ ءامَنْ يَاكْمَارْ واسا ءاذي عاياذْ

سُو ـ مَازْيانْ ذُو ـ مَاقْرانْ مَاراَّ خَاكْ ثْعَــامّــَاذْ

مَاراَّ غاكْ ثْخَازّاَرْ مَاراَّ خَاكْ ثْسَــانّــَاذْ

ثَارّيذْ ثَامورْثْ نَّاغْ سَارْخيرْ قَاعْ ثْــفايّــَاذْ
ثواسيتْ نَّاشْ ذاسيرام ءاتَرْزَامْ ثيوورا

ءاتاَقّيمْ ذا مَازْرويْ ذا كُّورْ نَّاغْ يورا

عَامَّاسْ واريمَاحي واخَّا مْحانْتْ ثْمورا

ءاتاَقّيمْ تَّاصَابْحَانْتْ ثْشَاوَّارْ ثْفورا

سْ ـ وور نَّاغْ ياصفا نَاشينْ كيذَاشْ رابْدَا

راذيجْ واَري زامَّارْ ءاخَنَغْ ءيعَــادَّا

لْمَغٍربْ تَّامُّورثْ نَّغاْ ما نيسْ ما تَّانْحَادَّا

ءاوارْ نَّاغ ذيجَّنْ خي جوضارْ نَـــاتْــبَــادَّا
سْ ـ رافْراحَاتْ ثَامْغارْ ءاوْضانَــاييدْ ءيماَطَّاوانْ

ءورى ذْ ـ رَقْرَمْ ءينوا ءيتَارينْ ءيوارانْ

ءيتاَرينْ ثَـــاقَاسّيسـتْ ذْراحْروفْ ذي ماَقْرانانْ

ءاسذي يَاجَادجيذْ ءارَبي ءاشي عَاوان
زيدْ ءاخْذام زيدْ ءارْني

زيدْ سوعرا ذي رابني

روح سيغي ءاماني

ءارناقضا خو ماسعي

ءاذي فاراحْ ءومحضار ءاذي فاح ءوسايمي

باريس يوم 6|9|2011